Бэлэг эрхтний улайлт, мөөгөнцөрт үрэвсэл нь зарим тохиолдолд ариун цэврийг буруу сахих, хэт бариу дотуур хувцас өмссөнөөс үүсэх нь бий. Ялангуяа гангалах дуртай охид буруу сонголт хийснээс эрүүл мэндээрээ хохирдог.
- Стринг дотоожийг байнга бүү өмс. Энэ нь үрэлт үүсгэж, улайлт бий болгох шалтгаан болдог. Ялангуяа хүйтэн сэрүүний улиралд өмсөх хэрэггүй.
- Хэт бариу, нийлэг эдээр хийсэн дотуур хувцаснаас татгалз. Торгомсог дотоожноос зайлсхий. Биед эвтэйхэн хөвөн даавуун материалаар хийсэн дотуур хувцсыг сонго.
- Ариун цэврийг зөв сахиж сур. Өдөр болгон усанд орж угаалга үйлдээд л байвал болох нь тэр гэсэн ташаа ойлголт түгээмэл байдаг. Бэлэг эрхтнээ хэт их савандаж угаах нь буруу. Энэ нь ашигтай бактерийг устгаж, мөөгөнцөр үүсэх таатай боломжийг бүрдүүлдэг.
- Үтрээний үнэр дарагч, дезодорант байнга бүү хэрэглэ. Харшил өгөх магадлалтай. Эрүүл хүнээс элдэв таагүй үнэр гардаггүй.
- Хөөстэй ваннд байнга бүү ор. Арьсыг хуурайшуулах хүчин зүйл болдог. Хэрэв хөөстэй ваннд орох бол атга давс хийчих. Тэгвэл арьсыг чийгшүүлж, тамир тэнхээ сэлбэхэд тустай.
/Хань/